Tuesday, August 16, 2016

ප්‍රාදේශීය ලේකම් කොට්ඨාශයේ පිහිටීම.




බස්නාහිර පළාතට අයත් කොළඹ දිස්ත්‍රික්කය තුල පිහිටි ශ්‍රී ජයවර්ධනපුර කෝට්ටේ ප්‍රාදේශීය ලේකම් කොට්ඨාසය අනෙකුත් ප්‍රාදේශීය ලේකම් කොට්ඨාස අතුරින් දෙහිවල,රත්මලාන,මොරටුව යන කොට්ඨාස වලට පමණක් භූමි ප්‍රමාණයෙන් විශාල වේ.ග්‍රාම නිලධාරි වසම් 20 කින් සමන්විත මෙම ප්‍රාදේශීය ලේකම් කොට්ඨාසය උතුරින් හා නැගෙනහිරින් කොලොන්නාව  හා කඩුවෙල ප්‍රාදේශීය ලේකම් කොට්ඨාශ වලින්ද දකුණින් හා බටහිරින් මහරගම හා තිඹිරිගස්යාය යන ප්‍රාදේශීය ලේකම් කොට්ඨාස වලින්ද මායිම් වන අතර භූමි ප්‍රමාණය හෙක්ටයාර් 1,674 ක් පමණ විශාල වේ. මෙම කොට්ඨාසය ශ්‍රී ජයවර්ධනපුර කෝට්ටේ මහ නගර සභා බල ප්‍රදේශය ලෙස ප්‍රාදේශීය පරිපාලනයේදී සැලකේ.


කොළඹ නගරයේ උප නාගරික කලාපයක්  ලෙසත් ප්‍රධාන පරිපාලන අගනගරය සහ නව පාර්ලිමේන්තු සංකීර්ණය මෙම කොට්ඨාසය තුල පිහිටා තිබීම නිසාත් අධි නාගරීකරණයට ලක්ව ඇත. ප්‍රදේශයේ පවතින දියුණු මාර්ග ජාලය හා කාර්යක්ෂම යටිතල පහසුකම් මෙන්ම සීඝ්‍රයෙන් වැඩි වන සේවා ස්ථාන හේතුවෙන් ද මෙම ප්‍රදේශය සංකේන්ද්‍රණයක් බවට පත්ව තිබේ.

ප්‍රදේශයේ ආර්ථිකය ප්‍රධාන වශයෙන් සේවා අංශය වෙත යොමු වී තිබෙන බැවින් වැඩි ජන සංඛ්‍යාවකගේ  ප්‍රධාන ජීවනෝපාය සේවා අංශය මත පදනම් වී තිබේ.ඊට අමතරව කාර්මික අංශයේ ද පැහැදිළි දියුණු වක් දක්නට ලැබේ.ප්‍රදේශයේ කෘෂි කර්මාන්තයේ යෙදෙන පිරිස ඉතා සුළු පිරිසක් වන අතර ඔවුන් ද පූර්ණ කාලීන ගොවින් නොව  අර්ධ කාලීන ගොවීන් වේ.

කොට්ඨාශයේ ග්‍රාම නිලධාරි වසම් හා භුමි ප්‍රමාණය:-
ග්‍රාම නිලධාරි වසම                                                                   බිම් ප්‍රමාණය
                                                                                                (හෙක්ටයාර්)    (අක්කර)
514      වැලිකඩ නැගෙනහිර                                                     119                  294
514      ඒ වැලිකඩ බටහිර                                                           48                  119
514      බී රාජගිරිය                                                                     99                  245                   
514     සී ඔබේසේකරපුර                                                           40                   98                   
514      ඩී වැලිකඩ උතුර                                                             33                  294                   
519      නුගේගොඩ                                                                    25                  124                   
519      ඒ පාගොඩ                                                                    72                  178                   
519      බී නුගේගොඩ බටහිර                                                     72                  177                 
519      සී පාගොඩ නැගෙනහිර                                                   211                 522                 
520      නාවල  බටහිර                                                                 85                 210                 
520      ඒ කොස්වත්ත                                                              143                 419                 
520      බී නාවල නැගෙනහිර                                                    105                 259                 
521      ඇතුල්කෝට්ටේ                                                               71                 166                 
521      ඒ ඇතුල්කෝට්ටේ බටහිර                                                41                   73                 
522      පිටකෝට්ටේ    බටහිර                                                  100                 247                 
522      ඒ පිටකෝට්ටේ නැගෙනහිර                                             96                 227                 
522      බී පිටකෝට්ටේ                                                                33                 240                 
526      ගංගොඩවිල උතුර                                                           140                346                 
526      ඒ  ගංගොඩවිල දකුණ                                                       47                116                 
526      සී ගංගොඩවිල නැගෙනහිර                                               94                232
එකතුව                                                                                    
  1,674               4,585

 

No comments:

Post a Comment

Translate

Follow by Email