Thursday, September 22, 2016

ජයවද්දනපුර ලිවිසැරි කරළිය - 2016


සාහිත්‍ය මාසයට සමගාමීව වාර්ෂිකව පැවැත්වෙන ශ්‍රී ජයවර්ධනපුර කෝට්ටේ සාහිත්‍ය උළෙල මෙවරත් අද (22) දින ඉතා උත්කර්ශවත් අයුරින් රාජගිරිය හේවාවිතාරණ විදුහල් ප්‍රධාන ශාලාවේදී පැවැත්විණි. ශ්‍රී ජයවර්ධනපුර කෝට්ටේ ප්‍රාදේශීය ලේකම් කාර්යාලයේ පූර්ණ අධීක්ෂයෙන් හා මෙහෙයවීමෙන්, සංස්කෘතික අමාත්‍යංශයේ සහයෝගයෙන් වාර්ෂිකව මෙම සාහිත්‍ය උළෙල ශ්‍රී ජයවර්ධනපුර කෝට්ටේ ප්‍රාදේශීය ලේකම් කොට්ඨාශය මූලික කර ගනිමින් පැවැත්වනු ලබන්නේ “ජයවද්දනපුර ලිවිසැරි කරළිය“ යනුවෙන් නම් කරමිනි.

ඵලදායිතා තරගයේ රාජ්‍ය අංශයේ දෙවන ස්ථානය කෝට්ටේ ප්‍රා.ලේ. දිනා ගනී


ජාතික ඵලදායිතා ලේකම් කාර්යාලයේ මෙහෙයවීමෙන් පැවැත්වෙන ජාතික ඵලදායිතා සම්මාන තරගයෙන් 2015 වර්ෂයේ රාජ්‍ය අංශයේ ප්‍රාදේශීය ලේකම් කාර්යාල අතරින් සමස්ත දිවයිනෙන්ම දෙවන ස්ථානය ලබා ගැනීමට ශ්‍රී ජයවර්ධනපුර කෝට්ටේ ප්‍රාදේශීය ලේකම් කාර්යාලයට  හැකිවිය.


2014 වර්ෂයේ ජාතික ඵලදායිතා තරගයෙන් දිවයිනෙන්ම තුන්වන ස්ථානය ලබා ගත් ශ්‍රී ජයවර්ධනපුර කෝට්ටේ ප්‍රාදේශීය ලේකම් කාර්යාලය මෙවර දෙවන ස්ථානය ලබා ගැනීමට හැකිවීම අතිමහත් ජයග්‍රහණයකි.

Translate

Follow by Email